Ritarinn ógurlegi mættur á svæðið á ný skv. beiðni dívunnar og ætlunin er að tæpa á því helsta sem hefur verið á döfinni síðustu daga.
Ákveðið var að breyta lykilorði inn á síðuna til að tryggja einkalíf fjölskyldunnar þar sem skuggalegur fjöldi heimsókna var skráður á síðuna.
Mjög arðbær viðskipti áttu sér stað þegar fjölskyldan fjárfesti í fjórum gúbbífiskum ásamt búri og tilheyrandi græjum.  Strax á öðrum degi margfaldaðist fiskfjöldinn þegar ógrynni af sæðum... nei seyðum fór að synda um búrið.
Kristinn Jón er nú orðinn enn öruggari með sig á röltinu.  Hann er svo sniðugur að hann notar bumbuna sem jafnvægisslá þannig að það er tilgangur með þessari miklu matarlyst drengsins.  Foreldrar hans voru mjög rausnarlegir og splæstu á hann 66 gráður norður flísgalla, dökkbrúnum að lit.
Arndís Una fékk líka fatnað frá 66 gráðum norður, ljósbrúna flíspeysu.  Emil litli fékk svo ekki nokkurn skapaðan hlut.....
Ekki var farið með börnin á leikskóla í dag þar sem börnin voru frekar þreytt eftir ferðalag gærdagsins en stefnt er á að fara með þau í býtið í fyrramálið.  Ritarinn vill hvetja fólk til að skoða heimasíðu leikskólans 123.is/laekjarbrekka en þar sjást Arndís og Kristinn í leik og starfi.
Húsmóðirin fór í skólann í kvöld og lærði þar smá ensku á meðan húsbóndinn gætti barna og eldaði matinn (held ég).
Fleira er ekki að frétta í dag.

Já ég skellti mér á ball sem var haldið í tilefni afmælisins míns, það var á Cafe Riis. Mikil kátína var við völd, Kalli sýndi á sér mörina sem vakti mikla hrifningu hjá kvenþjóðinni sérstaklega hjá fólki sem leggur mikla rækt við líkama sinn. Ætla nú ekkert að nafngreina neinn oseisei

Það var nú svo skrítið að ég bar af öllum þetta kvöld vegna fegurðar minnar og yndisþokka en ég var natural eins og venjulega (natural =ómáluð) jafnframt var ég í gönguskónum hennar Sigfríðar eða Sísíar eins og hún kýs að láta kalla sig  Etir ball var haldið í sérstakt afmælispartý sem var haldið mér til heiðurs og var ég þar til 6 en þá tók Kalli mig upp og hélt á mér heim. Ég var hálfmeðvitundarlaus út af öllu áfenginu sem var þröngvað upp á mig í tilefni afmælis míns.

En allavega þá skemmti ég mér mjög vel þrátt fyrir meðvitundarleysið og langar til að koma á framfæri þakklæti mínu til allra sem gáfu mér pakka.

ps. ritarinn minn ákvað að taka sér launalaust leyfi og verður hún jafnvel rekin í kjölfarið..........

Góðar stundir

Ritarinn skrifar :
Hef verið ráðin ritari bloggsíðurnnar Heidacool en ekki hefur verið gerður samningur um gerð bloggsins, hvort síðan á að vera jolly og fun eða þurr og leiðinleg. Launakjör verða samkvæmt taxta forsetaritara.
Helstu fréttir úr húsinu eru :
Kristinn Jón er lasinn í dag og heimilisfólkið í Austurtúninu skiptist á að reyna að hafa ofan fyrir barninu. 
Heiða fór í skólann og stóð sig að eigin sögn með prýði í enskunáminu. (annað en sumir) Hún fékk sér kjötbollur í kvöldmat.
Karl gætti barna og bús eftir að hafa sinnt Fiskmarkaðinum, fékk reikning frá KSH og langar i jeppa.
Emil er orðinn hress eftir smá lasleika og fer væntanlega á Ísafjörð um helgina eins og hin börn bæjarins.
Arndís Una fékk Veigu í heimsókn eftir leikskóla og dunduðu þær sér saman í klukkutíma.
Annars allt með kyrrum kjörum í Austurtúninu.
Ritarinn kveður.