í dag er mikill hátíðisdagur,  Heiða á afmæli í dag

Heiðu hafa borist afmæliskveðjur úr flestum heimshornum og tilskipanir hafa verið sendar opinberum aðilum um að í dag sé opinber fánadagur. 
Í tilefni dagsins er stórveisla að Austurtúni 1 og hefst móttaka veislugesta kl. 15 stundvíslega með áfengum kokteil og snittum.
Fjörið mun svo halda áfram á Café Riis fram eftir nóttu þar sem afmælisbarnið verður með danssýningu stundvíslega kl. 01:00. 
Þess má geta að afmælisbarnið er orðið mjög fit og flott eftir Garpasund vetrarins og ætlar í því tilefni að skarta nýja mjög stutta pilsinu sínu.

Aðrar fréttir úr húsinu eru eftirfarandi :

• Kalli er sífellt á gröfunni út í kirkjugarði að grafa skurði og þykir okkur þetta afar dularfullt áhugamál og erum við stöðugt á varðbergi.
• Kristinn litli er að ná sér af pestinni og þegar ritari kíkti í húsið á föstudagskvöld hafði drengurinn tekið um 9 skref óstuddur.  Til hamingju með það litli kall.
• Arndís Una unir sér hið besta á leikskólanum og það er gaman að skoða myndir af þessu sakleysislega andliti á heimasíðu leikskólans.  Móðir hennar tjáði mér í símtali að hún hafi einungis rekið upp eitt morgunöskur á föstudeginum og telst það til tíðinda.
  
• Emil afrekaði það að læra eftir skóla á föstudag og var umbunað með Ísafjarðarferð, en nánast öll börn bæjarins dveljast þar um helgina í þeim tilgangi að spila fótbolta.
  
• Fleiri íbúar eru nú ekki í þessu húsi en skorað er á Kalla að leggjast nú hjá Heiðu í tilefni dagsins og þá er aldrei að vita nema fleiri íbúar bætist við í húsið.  Nú ef ekki þá mæli ég með því að þið fáið ykkur kött.
  

Jæja er komin með nýja myndavél (loksins) en ég kann ekki aaalveg á hana svo að myndirnar frá öskudegi eru margar hverjar ja hvað skal segja, já óskýrar. Vona samt að þið hafið gaman af þeim, hann Emil er stórglæsilegur sem stelpa og Una sem álfkona en við Kalli og litli Kolbeinn vorum ekki í búningum, ætlum bara að gera það næst :)

Verð að drífa mig á hársnyrtistofuna núna.........

Kv. Heiða

Jæja þá er ég loksins búin að setja inn fleiri myndir en ástæða þess hve frammistaða mín í blogginu er léleg er vegna þess að það er alltaf svooo goootttt veeeeeðuuur á Hólmavík, ég er sumsé alltaf úti að labba í góða veðrinu með börnin mín.........

Kv. Heiða

Jæja fann loksins myndavélina og setti inn fuuuulllt af myndum. En af okkur er það að frétta að við fórum til RVK á dögunum og keyptum allar jólagjafir, en þetta er í fyrsta skipti sem ég hef verið svona tímanlega í þessu. Nú get ég bara slakað á og bakað eða eitthvað kannski dansað soldið en það er eitt af mínum uppáhalds áhugamálum (og Kalla). Best þykir mér að dansa í kringum jólatré og er að fara setja eitt svoleiðis upp á allra næstu dögum. En allavega þá var þetta bara grín með dansinn, ég bara hafði ekkert að segja.

Kv. Heiða

Jæja er búin að setja inn fullt af myndum ekki heila myndaseríu af Emil en ég náði þó nokkrum af kallinum. Núna er Arndís Una búin að eignast kind og við erum á fullu að finna nafn á hana, óska eftir tillögum allt kemur til greina sjá myndir í albúmi. Og nei erum ekki búin að finna nafn á yngsta barnið það er smá ágreiningur í gangi (vonandi vinn ég!) Hér er vetraríki og rosalega jólalegt, við kveikjum á kertum á hverju kvöldi og höfum það kósý á kvöldin, nú kemur það sér vel að Lára systir á kertaverksmiðju!

Við komum brátt til mannabyggða til að versla föt og dót fyrir afmælispeningana mína hlakkar geggjað til! 

Þangað tl næst.......

Heiða og restin