Ég á afmæli í dag og vildi bara óska sjálfri mér innilega til hamingju með daginn. Veðrið er ógeðslegt, blautt og vindasamt. Ætla að halda veislu mér til heiðurs á eftir og bjóða eingöngu upp á megrunarrétti þar sem mér finnst allir vera orðnir svo feitir. Er enn að jafna mig eftir helgina en það var tekið feitt á því og þar af leiðandi er ég komin í stífa megrun. en allavega þá á ég nóg af kaffi ef einhver vill kíkja á mig í dag eða kvöld.

Kv. Heiða

Amma mín, Steingerður lést þann 24. ágúst síðastliðinn og fórum við fjölskyldan í jarðarför hennar 7.september í Grenivík. Hún hefði orðið 90 ára í dag. Setti inn myndir af Grenivíkurför okkar.

Er byrjuð Frumgreinanámi og þarf að reikna ótrúlega mikið en er ekki alveg búin að koma mér í rútínuna að reikna á morgnana og vinna eftir hádegi. Er meira svona að bíða eftir að fara að vinna og get þar af leiðandi ekki einbeitt mér að stærðfræðinni.

Kalli skrapp í bæinn til að kaupa sér risasjónvarp (hann verður 35 ára á þriðjudaginn svo hann má það). Hlakka til þegar ég verð 32 ára þá ætla ég að fá mér nýtt sófasett. :)

Jæja verð að byrja að reikna sjáumst seinna

Heiða

Jæja, þá er best að blogga. Í fréttum er þetta helst, sumarfríið heldur áfram og ég byrja að vinna 18.ágúst. Emil skellti sér í viku ferð til Benedorm með systrum mínum og nokkrum börnum þeirra. Erum búin að fara í smá ferðalag en við komum við á Grundarfirði á leiðinni á Suðurlandið og gistum á hótel Framnesi. Svo tókum við hring í kringum Snæfellsnesið og komum við á Búðum í rosa góðu veðri og skelltum okkur aðeins á ströndina. Brunuðum svo beint undir Fjöllin og vorum þar í nokkra daga. Afi hans Kalla lést þann 6.ágúst síðastliðinn og verður jarðarförin þann 15.ágúst í Kópavogskirkju.
Setti inn nýjar myndir